كل بارمان خاصو يعرف كيفاش يحافظ على جودة القهوة ديالو و التي هي كتكون بين يديه وهو المسؤول الوحيد عليها :

القهوة قبل ما تحلها كتكون فيها مدة الصلاحية بين سنة و نصف حتى سنتان…فاش كتفوت هده المدة …فالقهوة كتبرد و كويلي المداق ديالها باسل و لاموس مكتبقاش تطلع.

إيلا حليتيه ..كتولي مدة اللي خاصك تستهلكو فيها هي أقل من 48 ساعة و خاصك ضروري تديرو فالثلاجة و تكون سديتي الخنشة ديال القهوة مزيان و ميبقاش فيه الهواء

فاش كتخوي القهوة فالطحانة …فالقهوة كتصبر لمدة 4 ساعات …وإلا فاتت هده المدة و ما طحنتيهاش فالقهوة كتبدا تبرد

فاش كتطحنها …خاصك استعملها في خلال نصف ساعة إلى ساعة على أبعد تقدير…و إيلا مكانتش عندك الغطاء ديال البلاصة اللي كتكون فيها القهوة المطحونة …فمدة اللي كتصبر هي 10 دقائق

ملئ كتعصر القهوة…فالمدة اللي مسموح فيها تبقا عندك فالكنطوار هي 15 ثانية …إيلا فاتت هده المدة خير خويها وحدة أخرى

البارمان خاصو فالليل يرد القهوة اللي مامطحوناش للساشي ديال القهوة و يديرو فالثلاجة …و فالصباح يبداه هو الأول و يبدا يطحن .كدلك القهوة المطحونة يديرها فالثلاجة و الصباح يخدم بيها هي الأول

ملحوظة : القهوة مكتسالاش مدة الصلاحية و تقدر استهلاكها حتى بعد مرور التاريخ اللي فالعلبة … لأنه تاريخ إنتهاء الطراوة وليست الصلاحية و هي كتسمى produit noble …بحالها بحال الزيت و الشاي ….

أنا كنتكلم دابا على الشروط العالمية ديال القهوة …واللي دارت عليها تجارب …

مع تحياتي